ഇന്‍സ്റ്റഗ്രാമില്‍ ഏറ്റവുമധികം ആളുകള്‍ പിന്തുടരുന്ന സെലിബ്രിറ്റി എന്ന നേട്ടത്തിനൊപ്പം തന്നെ ഇന്‍സ്റ്റഗ്രാമില്‍ ഏറ്റവുമധികം പണം സമ്പാദിക്കുന്ന താരമാണ് ക്രിസ്റ്റ്യാനോ റൊണാള്‍ഡോ. സൗദി ലീഗിലേക്ക് മാറിയെങ്കിലും ഇന്നും ഇന്‍സ്റ്റഗ്രാമിലെ താരം ക്രിസ്റ്റ്യാനോ തന്നെയാണ്. തുടര്‍ച്ചയായ മൂന്നാം വര്‍ഷമാണ് ഇന്‍സ്റ്റഗ്രാമില്‍ നിന്നും ഏറ്റവും വരുമാനമുള്ള സെലിബ്രിറ്റികളുടെ പട്ടികയില്‍ താരം ഒന്നാമതായിരിക്കുന്നത്.
ഇന്‍സ്റ്റഗ്രാമില്‍ പങ്കുവെയ്ക്കുന്ന ഓരോ പോസ്റ്റിനും ഏകദേശം 3.234 മില്യണ്‍ ഡോളര്‍ അഥവാ 26.76 കോടി രൂപയാണ് ക്രിസ്റ്റ്യാനോ സമ്പാദിക്കുന്നത്. റൊണാള്‍ഡോയുടെ സമകാലികനും ഫുട്‌ബോള്‍ ഇതിഹാസവുമായ ലയണല്‍ മെസ്സിയാണ് പട്ടികയില്‍ രണ്ടാമത്. ഒരു ഇന്‍സ്റ്റഗ്രാം പോസ്റ്റിന് ഏകദേശം 2.597 മില്യണ്‍ ഡോളര്‍ അഥവാ 21.49 കോടി രൂപയാണ് മെസ്സിക്ക് ലഭിക്കുന്നത്. ഹോളിവുഡ് താരമായ സെലീനാഗോമസാണ് പട്ടികയില്‍ മൂന്നാം സ്ഥാനത്ത്.(2.558 മില്യണ്‍ ഡോളര്‍). ഫുട്‌ബോളിലെ ലോകചാമ്പ്യനും ഇന്ന് കളിക്കുന്നതില്‍ ഏറ്റവും മികച്ച താരങ്ങളിലൊരാളുമായ കിലിയന്‍ എംബാപ്പെയ്ക്ക് ആദ്യ 20ല്‍ ഇടം പിടിക്കാന്‍ സാധിക്കാതെ പോയപ്പോള്‍ ഇന്ത്യന്‍ ഇതിഹാസതാരം വിരാട് കോലി പട്ടികയില്‍ പതിനാലാം സ്ഥാനത്താണ്. 1.384 മില്യണ്‍ ഡോളര്‍ അഥവ 11.15 കോടി രൂപയാണ് ഇന്‍സ്റ്റഗ്രാമില്‍ പങ്കുവെയ്ക്കുന്ന ഒരു പോസ്റ്റിന് കോലിക്ക് ലഭിക്കുന്നത്.
ഇന്‍സ്റ്റഗ്രാമിലെ ടോപ് ഏണേഴ്‌സ് പട്ടിക ഇങ്ങനെ
ക്രിസ്റ്റ്യാനോ റൊണാള്‍ഡോ: 3,234,000 ഡോളര്‍
ലയണല്‍ മെസ്സി: 2,597,000 ഡോളര്‍
സെലീന ഗോമസ്: 2,558,000 ഡോളര്‍
കൈലി ജെന്നര്‍: 2,386,000 ഡോളര്‍
ഡ്വയ്ന്‍ ജോണ്‍സണ്‍: 2,326,000 ഡോളര്‍
കിം കര്‍ദാഷിയാന്‍:2,176,000 ഡോളര്‍
ബിയോണ്‍സ് നോള്‍സ്: 1,889,000 ഡോളര്‍
ക്ലോ കര്‍ദാഷിയാന്‍: 1,866,000 ഡോളര്‍
