മാഞ്ചസ്റ്റര്‍ സിറ്റി ക്ലബില്‍ ഒരിക്കലും താന്‍ ചേരില്ലെന്നു ഫുട്ബോള്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡൊ. തന്‍റെ ഹൃദയം മാഞ്ചസ്റ്റര്‍ യുണൈറ്റഡിന്‍റെ കൂടെയാണ്. യുണൈറ്റഡിലേക്കു തിരികെപോകില്ലെന്നു പറയുന്നില്ല.
ചാംപ്യന്‍സ് ലീഗില്‍ ആദ്യപാദ പ്രീ ക്വാര്‍ട്ടറില്‍ റയല്‍ മാഡ്രിഡ്- മാഞ്ചസ്റ്റര്‍ യുണൈറ്റഡ് മത്സരം സമനിലയിലായിരുന്നു. 2009 ല്‍ മാഞ്ചസ്റ്റര്‍ വിട്ട് മാഡ്രിഡിലേക്കു ചേക്കേറിയ ശേഷം യുണൈറ്റഡിന്‍റെ തട്ടകമായ ഓള്‍ഡ് ട്രഫോര്‍ഡില്‍ റൊണാള്‍ഡൊയുടെ ആദ്യ മത്സരമായിരുന്നു ഇത്.