ഭക്തരും ഇഷ്ടദൈവവും തമ്മില്‍ ഭക്തിയുടേതായ ബന്ധമാണുള്ളത്. ഈ ഭക്തിയാണ് വിദൂര പ്രദേശങ്ങളില്‍ നിന്ന് പോലും ഭക്തരെ സര്‍വശക്തന്‍റെ അടുത്ത് എത്തിക്കുന്നത്. ഇപ്രാവശ്യത്തെ തീര്‍ത്ഥാടനത്തില്‍ ശിവ ഭഗവാന്‍റെ അനുഗ്രഹമുള്ള കേദാരേശ്വര്‍ ക്ഷേത്രത്തിലേക്കാണ് ഞങ്ങള്‍ നിങ്ങളെ കൊണ്ടു പോകുന്നത്.
മധ്യപ്രദേശിലെ രത്‌ലം എന്ന സ്ഥലത്ത് നിന്ന് 25 കിലോമീറ്റര്‍ അകലെ സൈലാന എന്ന ഗ്രാമത്തിന് സമീപമാണ് മഹാകേദാരേശ്വര്‍ ക്ഷേത്രം സ്ഥിതി ചെയ്യുന്നത്. വളരെ വിദൂര ദേശങ്ങളില്‍ നിന്ന് പോലും ഇവിടെ ഭക്തര്‍ എത്തുന്നുണ്ട്. കുന്നുകളാല്‍ ചുറ്റപ്പെട്ട മനോഹരമായ ഈ പ്രദേശത്ത് വെള്ളച്ചാട്ടവും ഉണ്ട്. വെള്ളച്ചാട്ടം ക്ഷേത്രത്തിന് സമീപമുള്ള കുളത്തില്‍ പതിക്കുന്നു.
ക്ഷേത്രത്തിന് 278 വര്‍ഷം പഴക്കമുണ്ട്. 1730 ന് മുന്‍പ് ഇവിടെ ഒരു ശിവലിംഗം മാത്രമേ ഉണ്ടായിരുന്നുള്ളൂ എന്നാണ്
WD
WD
പറയപ്പെടുന്നത്. 1736 ല്‍ സൈലാനയിലെ മഹാരാജാവായ ജയസിംഗ് ശിവലിംഗത്തിന് ചുറ്റും മനോഹരമായ ക്ഷേത്രം നിര്‍മ്മിക്കുകയുണ്ടായി. ഇതിന് ശേഷം ഇവിടം മഹാ‍കേദാരേശ്വരം ക്ഷേത്രം എന്ന പേരില്‍ പ്രസിദ്ധമായി.
1859-95 കാലയളവില്‍ മഹാരാജ ദുലെസിംഗ് ക്ഷേത്രവും സമീപമുള്ള കുളവും പുനര്‍നിര്‍മ്മിക്കുന്നതിനായി ഒന്നരലക്ഷം രൂപ സംഭാവന ചെയ്യുകയുണ്ടായി. തന്‍റെ ഭരണകാലത്ത് രാജാ ജസ്‌വന്ത് സിംഗ് ക്ഷേത്ര പുരോഹിതന് ഉപജീവനം കഴിക്കുന്നതിനായി കുറച്ച് സ്ഥലം നല്‍കുകയും ചെയ്തു. പിന്നീട് 1991-92ല്‍ ക്ഷേത്രം പുനര്‍നിര്‍മ്മിക്കുകയുണ്ടായി. ഇതിന് രത്‌ലം ജില്ലാ ഭരണകൂ‍ടം രണ്ട് ലക്ഷം രൂപ സംഭാവന നല്‍കുകയുണ്ടായി.
സൈലാന രാജാവിന്‍റെ കാലം മുതല്‍ക്ക് തന്നെ ക്ഷേത്രം നിലവിലുണ്ടെന്ന് പുരോഹിതനായ ആവന്തിലാല്‍ തൃവേദി പറഞ്ഞു. തങ്ങളുടെ നാ‍ലാം തലമുറയാണ് ഇപ്പോള്‍ ഭഗവനെ സേവിക്കുന്നതെന്നും അദ്ദേഹം വെളിപ്പെടുത്തി. ശ്രാവണ മാസത്തില്‍ ഇവിടെ വന്‍ തിരക്കാണ് അനുഭവപ്പെടുന്നത്. മഹാശിവരാത്രി, വൈശാഖ പൌര്‍ണ്ണമി, കാര്‍ത്തിക പൌര്‍ണ്ണമി തുടങ്ങിയ അവസരങ്ങളില്‍ വലിയ തോതില്‍ ആഘോഷം സംഘടിപ്പിക്കുന്നു.
എത്താനുള്ള മാര്‍ഗ്ഗം
റോഡ്: രത്‌ലത്തില്‍ നിന്ന് ബസ്, ടാക്സി സര്‍വീസുകള്‍ ലഭിക്കും
WD
WD
റെയില്‍: രത്‌ലം ഡല്‍‌ഹി-മുംബൈ പാതയിലെ പ്രധാന റെയില്‍‌വേ സ്റ്റേഷനാണ്.
വിമാനം: ഇന്‍ഡോറിലെ ദേവി അഹ‌ല്യഭായി ഹോല്‍ക്കര്‍ ആണ് എറ്റവും അടുത്ത വിമാനത്താ‍വളം. 150 കിലോമീറ്റര്‍ ദൂരമുണ്ട്.
