അതിര്‍ത്തി കടന്നുള്ള തീവ്രവാദത്തോട് പഴയ സമീപനമല്ല ഇന്ത്യയ്ക്ക് ഇപ്പോള്‍ ഉള്ളത്. അതിര്‍ത്തിയില്‍ വെടിനിര്‍ത്തല്‍ കരാര്‍ ലംഘിക്കുക എന്നത് പാകിസ്ഥാന് അവകാശമാക്കി മാറ്റിയെന്ന് പരിഹസിച്ചു. രാജ്യത്തെ അസ്ഥിരപ്പെടുത്താനാണ് പാകിസ്ഥാന്റെ ശ്രമമെങ്കില്‍ ഇനി അത് നടക്കില്ല. ഇങ്ങനെ തന്നെ തുടരുകയാണെങ്കില്‍ പാകിസ്ഥാന് വലിയ വില നല്കേണ്ടി വരുമെന്നും അദ്ദേഹം പറഞ്ഞു.
പാകിസ്ഥാന് നിരന്തരം മുറിവേല്പിച്ചിട്ടും നിശ്ശബ്ദമായി സഹിക്കുകയാണ്. സമാധാനം പുനസ്ഥാപിക്കുവാനായി നയതന്ത്ര നീക്കങ്ങള്‍ക്ക് മുന്‍കൈയെടുത്തു. എന്നാല്‍, ആ കാലമൊക്കെ കഴിഞ്ഞു. കാര്യങ്ങള്‍ കണ്ടറിഞ്ഞു കൈകാര്യം ചെയ്യുക എന്ന നിലപാടാണ് ഇപ്പോള്‍ ഇന്ത്യന്‍ സര്‍ക്കാരിനെന്നും ജെയ്‌റ്റ്‌ലി പറഞ്ഞു.
