ലളിത് മോഡി വിഷയത്തില്‍ ആരോപണവിധേയരായ സാഹചര്യത്തില്‍ കേന്ദ്രമന്ത്രി സുഷമ സ്വരാജും രാജസ്ഥാന്‍ മുഖ്യമന്ത്രി വസുന്ധര രാജെയും രാജി വെക്കണമെന്ന് ആര്‍ എസ് എസ് നേതാവ് ഗോവിന്ദാചാര്യ. ധാര്‍മ്മികതയുടെ പേരില്‍ രാജി വെച്ചാല്‍ തെറ്റു ചെയ്തില്ലെന്നു തെളിഞ്ഞാല്‍ അവര്‍ക്കു അഭിമാനത്തോടെ തിരിച്ചുവരാമെന്നും അദ്ദേഹം പറഞ്ഞു.
ഒരു ടെലിവിഷന്‍ ചാനലിനോട് ആണ് ഗോവിന്ദാചാര്യ ഇങ്ങനെ പറഞ്ഞത്. എല്‍ കെ അദ്വാനി, ലാല്‍ ബഹദൂര്‍ ശാസ്ത്രി, ശരത് യാദവ് തുടങ്ങിയവര്‍ ചെയ്തതു പോലെ ഇവര്‍ രാജി വെയ്ക്കണമെന്ന് ചോദ്യത്തിനു മറുപടിയായി ഗോവിന്ദാചാര്യ പറഞ്ഞു.
