സുനന്ദപുഷ്‌കറിന്റെ മരണത്തില്‍ അന്വേഷണം വിദേശത്തേക്ക് വ്യാപിപ്പിക്കാന്‍ ഡല്‍ഹി പൊലീസ് തീരുമാനിച്ചു. ജനുവരി 13 മുതല്‍ 18 വരെയുള്ള ദിവസങ്ങളില്‍ വ്യാജ പാസ്‌പോര്‍ട്ടില്‍ മൂന്നുപേര്‍ ലീല ഹോട്ടലില്‍ തങ്ങിയിരുന്നതായി പൊലീസ് അറിയിച്ചു. അന്വേഷണത്തിനായി ഡിസിപി റാങ്കിലുള്ള മൂന്ന് ഉദ്യോഗസ്ഥര്‍ ദുബായിലേക്ക് പോകും.
ഇതിനിടെ സുനന്ദയുടെ മരണം ആത്മഹത്യയാണോ കൊലപാതകമാണെന്നോ ഇപ്പോള്‍ പറയാനാവില്ലെന്ന് ഡല്‍ഹി പൊലീസ് കമ്മീഷണര്‍ ബിഎസ് ബാസി വ്യക്തമാക്കിയിരുന്നു. കേസിന്റെ അന്വേഷണം താഴെക്കിടയില്‍നിന്ന് വീണ്ടും തുടങ്ങാനാണ് ഡല്‍ഹി പൊലീസിന്റെ തീരുമാനം. ഇതിന്റെ ഭാഗമായി സുനന്ദയുടെ കുടുംബാംഗങ്ങളുടെയും ശശി തരൂരിന്റെയും മൊഴി വീണ്ടും രേഖപ്പെടുത്താനും ഡല്‍ഹി പൊലീസ് തീരുമാനിച്ചിരുന്നു.
