രോഹിത് വെമുലയുടെ ഒന്നാം ചരമവാര്‍ഷികമായ ഇന്ന് സര്‍വകലാശാലയില്‍ നടക്കുന്ന അനുസ്മരണ പരിപാടികളില്‍ പങ്കെടുക്കുന്ന അതിഥികള്‍ക്ക് സര്‍വകലാശാല വിസിയുടെ വിലക്ക്. ഇന്ന് ഉച്ചയ്ക്ക് എച്ച്‌സിയു ക്യാംപസില്‍ നടക്കുന്ന ചടങ്ങില്‍ പങ്കെടുക്കേണ്ട രോഹിത് വെമുലയുടെ അമ്മ രാധിക വെമുല, ബീഫ് കൈവശം വെച്ചെന്നാരോപിച്ച് സംഘപരിവാര്‍ അനുകൂലികള്‍ കൊലപ്പെടുത്തിയ അഖ്‌ലാഖിന്റെ സഹോദരന്‍ ജാന്‍ മുഹമ്മദ്, ഉനയില്‍ ആക്രമിക്കപ്പെട്ട ദളിത് യുവാക്കള്‍, ജവഹര്‍ലാല്‍ നെഹ്‌റു സര്‍വകലാശാലയില്‍ നിന്നും കാണാതായ നജീബിന്റെ മാതാവ് ഫാത്തിമ നഫീസ് എന്നിവര്‍ക്കാണ് വിലക്ക്.
