പാര്‍ട്ടിയുടെ മാധ്യമവിഭാഗം തലവന്‍ അജയ് മാക്കന്‍, മുന്‍ ഡല്‍ഹി പി.സി.സി. അധ്യക്ഷന്‍ ജയപ്രകാശ് അഗര്‍വാള്‍, രാഹുല്‍ ബ്രിഗേഡില്‍ ഉള്‍പ്പെടുന്ന മീനാക്ഷി നടരാജന്‍ തുടങ്ങി പ്രൈമറികളില്‍ക്കൂടി സ്ഥാനാര്‍ഥികളായ മിക്കവരും വന്‍തോല്‍വി എറ്റുവാങ്ങി. പശ്ചിമബംഗാളില്‍ പ്രമുഖ നേതാവ് സോമന്‍ മിത്ര നാലാംസ്ഥാനത്തായി.
പ്രൈമറികള്‍, പാര്‍ട്ടി പദവികളില്‍ നിശ്ചിത സമയപരിധി, ഗ്രേഡിങ് തുടങ്ങി രാഹുല്‍ കൊണ്ടുവന്ന പല നടപടികളും അപ്രായോഗികവും ഭാവനാധിഷ്ഠിതവുമായിരുന്നുവെന്ന് പല മുതിര്‍ന്ന നേതാക്കളും കുറ്റപ്പെടുത്തുന്നു.
