തമിഴ്നാട്ടില് രാഷ്‌ട്രീയ അനിശ്ചിതത്വം തുടരുന്നതിനിടയില്‍ ശശികലയുടെ സത്യപ്രതിജ്ഞ തടയണമെന്ന ഹര്‍ജി അടിയന്തിരമായി പരിഗണിക്കണമെന്ന ആവശ്യം സുപ്രീംകോടതി തള്ളി. ഇതോടെ, ശശികലയ്ക്ക് താല്‍ക്കാലിക ആശ്വാസത്തിനുള്ള വകയായി. ഇന്നലെ ഗവര്‍ണറുമായി കൂടിക്കാഴ്ച നടത്തിയ ശശികല തന്നെ പിന്തുണയ്ക്കുന്ന എം എല്‍ എമാരുടെ പേര് ഒപ്പുസഹിതം സമര്‍പ്പിച്ചിരുന്നു.
ശശികല എന്ന് സത്യപ്രതിജ്ഞ ചെയ്യും എന്ന് സംബന്ധിച്ച് ഇതുവരെ തീരുമാനമായിട്ടില്ല. ഈ സാഹചര്യത്തില്‍ ഹര്‍ജി അടിയന്തിരമായി പരിഗണിക്കേണ്ടതില്ല എന്ന് കോടതി തീരുമാനിക്കുകയായിരുന്നു. മുഖ്യമന്ത്രി ആയശേഷം ശശികലയെ കോടതി ശിക്ഷിച്ചാല്‍ അവര്‍ രാജി വെക്കേണ്ടിവരുമെന്നും അങ്ങനെവന്നാല്‍ തമിഴ്നാട്ടില് കലാപം ഉണ്ടായേക്കുമെന്നുമായിരുന്നു സെന്തില്‍കുമാറിന്‍റെ വാദം.
