ലൗ ജിഹാദ് വിഷയം ചർച്ചയാക്കി വനിത കമ്മീഷൻ അധ്യക്ഷയും മഹാരാഷ്ട്ര ഗവർണറും: വിമർശനം ശക്തം

മഹാരാഷ്ട്രയിൽ ലൗ ജിഹാദ് കേസുകൾ വർധിക്കുന്നുവെന്ന വാർത്തകളുമായി ബന്ധപ്പെട്ട് വനിത കമ്മീഷന്‍ അധ്യക്ഷ രേഖ ശര്‍മയും മഹാരാഷ്ട്ര ഗവര്‍ണര്‍ ഭഗത് സിംഗ് കോഷിയാരിയും തമ്മിൽ കൂടികാഴ്‌ച്ച നടത്തി. വനിതാ കമ്മീഷൻ തന്നെയാണ് ഈ വിവരം ട്വിറ്ററിലൂടെ പുറത്തുവിട്ടത്. കോവിഡ് സെന്ററുകളില്‍ വനിതാ രോഗികളെ പീഡിപ്പിക്കല്‍, ബലാത്സംഗം, ലൗ ജിഹാദുകളുടെ വര്‍ധനവ് തുടങ്ങിയ വിഷയങ്ങളെക്കുറിച്ച് ഞങ്ങളുടെ ചെയര്‍പേഴ്സണ്‍ രേഖ ശര്‍മ മഹാരാഷ്ട്ര ഗവര്‍ണര്‍ ഭഗത് സിംഗ് കോഷിയാരിയുമായി കൂടിക്കാഴ്ച നടത്തിയെന്നാണ് വനിത കമ്മീഷന്റെ ട്വീറ്റ്.

Our Chairperson @sharmarekha met with Shri Bhagat Singh Koshyari, His Excellency, Governor of Maharashtra & discussed issues related to #womensafety in the state including defunct One Stop Centres, molestation & rape of women patients at #COVID centres & rise in love jihad cases pic.twitter.com/JBiFT477IU

— NCW (@NCWIndia) October 20, 2020

അതേസമയം വനിത കമ്മീഷന്റെ ട്വീറ്റിനെതിരെ വ്യാപകമായ പ്രതിഷേധമാണ് ഉയരുന്നത്. സ്ത്രീകള്‍ക്കും ന്യൂനപക്ഷങ്ങള്‍ക്കുമെതിരായ കുറ്റകൃത്യങ്ങളോടുള്ള ഭരണഗൂഡ നിസംഗതയ്‌ക്കൊപ്പം അവരോടുള്ള അസഹിഷ്‌ണുതയും വ്യക്തമാക്കുന്നതാണ് ഈ സംഭവമെന്നാണ് ട്വീറ്റിനെതിരെ പ്രതിഷേധിക്കുന്നവർ പറയുന്നത്.