പാക് അധീന കശ്‌മീരില്‍ ഇന്ത്യന്‍ സൈന്യം നടത്തിയ സര്‍ജിക്കല്‍ സ്ട്രൈക്ക് സംബന്ധിച്ച് തര്‍ക്കങ്ങള്‍ നടക്കുന്നതിനിടെയാണ് ബാബ രാംദേവിന്റെ പ്രസ്താവന. പാകിസ്ഥാന്‍ നിര്‍ബന്ധപൂര്‍വ്വം നുണ പറയുകയാണെന്നും, പാക് അധീന കശ്‌മീരില്‍ ഇന്ത്യന്‍ സൈന്യം സര്‍ജിക്കല്‍ സ്ട്രൈക്ക് നടത്തിയില്ല എന്നു പറയുന്നത് അതിന്റെ ഭാഗമാണെന്നും രാംദേവ് കുറ്റപ്പെടുത്തി.
സര്‍ജിക്കല്‍ സ്ട്രൈക്ക് നടന്നെന്നതിന് തെളിവ് ആവശ്യപ്പെടുന്നതിനെയും അദ്ദേഹം നിരാകരിച്ചു. സര്‍ക്കാരിന്റെ അടുത്ത ലക്‌ഷ്യം ദാവൂദ് ഇബ്രാഹിമിമും ഹാഫിസ് സയീദും ആയിരിക്കും. അവരെ ജീവനോടെ പിടികൂടേണ്ട കാര്യമില്ല. രണ്ടുപേര്‍ക്കും മോക്ഷം നല്കുകയാണ് വേണ്ടത്. അവരുടെ മരണം ലോകത്തിനാകമാനം സമാധാനം നല്കുമെന്നും ഇക്കാര്യം ചെയ്തതിന് മോഡിയെ എന്നും ഓര്‍മ്മിക്കപ്പെടുമെന്നും രാംദേവ് പറഞ്ഞു.
