നെസ്‌ലെ, ഇന്ത്യയിലെ തങ്ങളുടെ പുതിയ മേധാവിയായി സുരേഷ് നാരായണനെ നിയമിച്ചു. ഇന്ത്യക്കാരനായ സുരേഷ് നാരായണന്‍ ആയിരിക്കും നെസ്‌ലെ ഇന്ത്യയുടെ പുതിയ മാനേജിംഗ് ഡയറക്‌ടര്‍. നെസ്‌ലെയുടെ ഇന്ത്യന്‍ വിഭാഗത്തിന്റെ മേധാവിയായി ഓഗസ്റ്റ് ഒന്നിന് അദ്ദേഹം ചുമതലയേല്‍ക്കും.
നിലവില്‍, നെസ്‌ലെ ഫിലിപ്പീന്‍സിന്റെ ചെയര്‍മാനും സി ഇ ഒയുമാണ് അദ്ദേഹം. പതിനാറു വര്‍ഷത്തിനു ശേഷം ആദ്യമായാണ് ഒരു ഇന്ത്യക്കാരന്‍ നെസ്‌ലെ ഇന്ത്യയുടെ മേധാവിയായി എത്തുന്നത്. നെസ്‌ലെ ഇന്ത്യയുടെ നിലവിലെ മേധാവി ആയിരുന്ന എറ്റീന്‍ ബെനറ്റ് കമ്പനിയുടെ സ്വിറ്റ്‌സര്‍ലന്‍ഡിലെ ആസ്ഥാനത്തേക്ക് മടങ്ങും.
