രാജ്യം സമാധാനത്തോടെ ഉറങ്ങുന്നത് നിങ്ങള്‍ ഉണര്‍ന്നിരിക്കുന്നത് കൊണ്ടാണെന്ന് സിയാചിനില്‍ സൈനികരോട് പ്രധാനമന്ത്രി നരേന്ദ്ര മോഡി. ലോകത്തിലെ ഏറ്റവും ഉയരംകൂടിയ സൈനിക സാന്നിധ്യ ഭൂമിയായ ജമ്മു കശ്മീരിലെ സിയാചിന്‍ സന്ദര്‍ശനവേളയിലായിരുന്നു മോഡിയുടെ പ്രശംസ. ജവാന്മാര്‍ക്കും രാജ്യത്തെ ജനങ്ങള്‍ക്കും പ്രധാനമന്ത്രി ദീപാവലി ആശംസകള്‍ അര്‍പ്പിച്ചു. 'സിയാചിനിലെ മഞ്ഞുപുതച്ച ഉയരങ്ങളില്‍ നിന്ന്, ധീരജവാന്മാര്‍ക്കൊപ്പം ദീപാവലി ആശംസകള്‍ നേരുന്നു'വെന്ന് മോഡി നേരത്തെ ട്വീറ്റ് ചെയ്തിരുന്നു.
