അഭിനവ തുഗ്ലക് ആയി മാറാനാണ് പ്രധാനമന്ത്രി നരേന്ദ്ര മോദി ശ്രമിക്കുന്നതെന്ന് മുൻ മുഖ്യമന്ത്രി ഉമ്മൻ ചാണ്ടി. നോട്ട് പിൻവലിക്കുന്നതിന്റെ ദുരിതം നീണ്ടുപോകുകയാണ്. പ്രതിസന്ധി തീരാൻ പ്രധാനമന്ത്രി 50 ദിവസം ക്ഷമിക്കാൻ പറഞ്ഞു. പക്ഷേ മാസങ്ങൾ കഴിഞ്ഞാലും ദുരിതം തീരുമോ എന്ന ആശങ്കയിലാണ് ജനങ്ങൾ ഇപ്പോഴെന്നും ഉമ്മൻ ചാണ്ടി വ്യക്തമാക്കി. നോട്ട് നിരോധനവുമായി ബന്ധപ്പെട്ട് പ്രധാനമന്ത്രിയോട് തനിക്ക് നാല് ചോദ്യങ്ങളാണ് ചോദിക്കാനുള്ളതെന്ന് ഉമ്മൻ ചാണ്ടി. യു ഡി എഫിന്റെ രാജ്ഭവൻ മാർച്ചിലെ പ്രസംഗത്തിലാണ് ഉമ്മൻ ചാണ്ടി ചോദ്യങ്ങൾ ഉന്നയിച്ചത്.
