അതേസമയം ഇന്ന് ജമ്മു കശ്മീര്‍ സന്ദര്‍ശിക്കാനിരിക്കേ അതിര്‍ത്തിയില്‍ പാകിസ്ഥാന്‍ വീണ്ടും വെടിനിര്‍ത്തല്‍ കരാര്‍ ലംഘിച്ചു. രാംഘട്ടിലെ ബിഎസ്എഫ് പോസ്റ്റുകള്‍ക്കു നേരെയാണ് ദീപാവലി ദിനത്തില്‍ ആക്രമണം നടന്നത്. ആര്‍ക്കും പരുക്കേറ്റിട്ടില്ലെന്ന് സൈന്യം വ്യക്തമാക്കി. മോഡി കശ്മീരില്‍ എത്തുന്നതിന് മണിക്കൂറുകള്‍ക്ക് മുന്‍പാണ് വെടിവയ്പ് നടന്നത്. രാംഘട്ടിലെ പോസ്റ്റുകള്‍ക്കു നേരെ ഇന്നലെയും വെടിവയ്പ് നടന്നിരുന്നു. ദീപാവലി വേളയില്‍ അട്ടാരി അതിര്‍ത്തിയില്‍ പാക് സൈന്യത്തിന് മധുരം കൈമാറുന്ന വര്‍ഷങ്ങളായുള്ള പതിവ് ഇന്ത്യന്‍ സൈന്യം ഇത്തവണ ഉപേക്ഷിച്ചിട്ടുണ്ട്. ഈദ് ആഘോഷവേളയിലും മധുരം കൈമാറിയില്ലെന്നു മാത്രമല്ല, അതിര്‍ത്തയിലെ കവാടങ്ങള്‍ അടഞ്ഞുതന്നെ കിടന്നു.
