കടുക് മോഷ്‌ടിച്ചതിന് പിടിയിലായ യുവാവ് കസ്‌റ്റഡിയില്‍ മരിച്ചു; മര്‍ദ്ദിച്ച് കൊലപ്പെടുത്തിയതെന്ന് ബന്ധുക്കള്‍
കടുക് മോഷ്‌ടിച്ചതിന് പൊലീസ് പിടികൂടിയ യുവാവ് കസ്‌റ്റഡിയില്‍ കൊല്ലപ്പെട്ടു. ഉത്തര്‍പ്രദേശിലെ പുന്നുഗഞ്ജ് പൊലീസ് സ്‌റ്റേഷനിലാണ് സംഭവം. ശിവം (25) എന്നയാളാണ് മരിച്ചത്.
കടുക് മോഷ്‌ടിച്ചതിന് തിങ്കളാഴ്‌ചയാണ് ശിവത്തിനെ പൊലീസ് അറസ്‌റ്റ് ചെയ്‌തത്. ശാരീരിക അസ്വാസ്ഥ്യങ്ങളെ തുടര്‍ന്ന് ചൊവ്വാഴ്‌ച വൈകുന്നേരം ഇയാളെ ആശുപത്രിയില്‍ പ്രവേശിപ്പിച്ചു. ചികിത്സ തുടരുന്നതിനിടെ ശിവം മരിക്കുകയായിരുന്നു.
പൊലീസ് മര്‍ദ്ദനത്തെ തുടര്‍ന്നാണ് ശിവം മരിച്ചതെന്ന് ബന്ധുക്കള്‍ ആരോപിച്ചു. യുവാവിന്റെ മരണം വിവാദമായതോടെ സ്‌റ്റേഷന്‍ ഹൌസ് ഓഫീസര്‍ രാം നരേയ്‌ന്‍ രാമിനെതിരെ കൊലപാതക കേസ് രജിസ്‌റ്റര്‍ ചെയ്‌തു. കേസ് അന്വേഷണത്തിന്റെ ഭാഗമായി ഇയാളെ സസ്‌പെന്‍ഡ് ചെയ്‌തു.
