മുംബൈ:നഗരത്തിലെ സ്വകാര്യ ഡോക്‌ടർമാരോട് കൊവിഡ് രോഗികളെ ചികിത്സിക്കുന്ന ആശുപത്രികളിൽ അടിയന്തിരമായി സേവനത്തിനെത്തണമെന്ന് മഹാരാഷ്ട്ര സർക്കാർ നിർദേശം. 55 വയസ്സിന് മുകളിൽ പ്രായമുള്ള ഡോക്ടർമാരെ ഇതിൽ നിൻനും ഒഴിവാക്കിയിട്ടുണ്ട്.ഡോക്ടര്‍മാര്‍ക്ക് ആവശ്യമായ സുരക്ഷാഉപകരണങ്ങളും മതിയായ പ്രതിഫലവും നല്‍കുമെന്ന് ഡയറക്ടറേറ്റ് ഓഫ് മെഡിക്കല്‍ എഡ്യുക്കേഷന്‍ ആന്‍ഡ് റിസര്‍ച്ച്(DMER)അറിയിച്ചു.ഡ്യൂട്ടിക്ക് ഹാജരാകാത്തവർക്കെതിരെ എപിഡെമിക് ഡിസീസ് ആക്ടിലെ ബന്ധപ്പെട്ട വകുപ്പുകളനുസരിച്ച് നടപടിയെടുക്കുമെന്നും ഡിഎംഇആര്‍ ഡയറക്ടര്‍ വ്യക്തമാക്കി.
