കെഎസ്ആര്ടിസി ബസുകളില് വിദ്യാര്ത്ഥികള്ക്ക് സൌജന്യ യാത്ര സൌകര്യം
വിദ്യാര്ഥികള്ക്ക് കെ എസ് ആര് ടി സി ബസുകളില് സൌജന്യയാത്ര സൌകര്യം നടപ്പിലാക്കുമെന്ന് ഗതാഗതവകുപ്പ് മന്ത്രി തിരുവഞ്ചൂര് രാധകൃഷ്ണന്.നിയമസഭയിലാണ് മന്ത്രി ഇക്കാര്യം പറഞ്ഞത്.
നിലവില് കണ്സെന്ഷന് കാര്ഡ് ഉപയോഗിക്കുന്നവര്ക്കാണ് ഈ സൌകര്യം ലഭിക്കുകയെന്നും പിന്നീട് ഫെബ്രുവരിമുതല് പ്ലസ്ടു വരെയുളള വിദ്യാര്ഥികള്ക്കും സൌജന്യയാത്രയ്ക്കുള്ള സൌകര്യം ലഭ്യമാക്കുമെന്നും തിരുവഞ്ചൂര് പറഞ്ഞു.സൌകര്യം ഒരു വര്ഷം പരീക്ഷണ അടിസ്ഥാനത്തില് നടപ്പാക്കിയശേഷം പദ്ധതി വിപുലീകരിക്കുമെന്നാണ് തിരുവഞ്ചൂര് അറിയിച്ചിരിക്കുന്നത്.