ബിജെപിയുടെ ഡല്‍ഹി ഓഫീസില്‍ ശൗചാലയം നിര്‍മിച്ച് നല്‍കാമെന്ന് ഡല്‍ഹി മുന്‍ മുഖ്യമന്ത്രിയും ആംആദ്മി പാര്‍ട്ടി നേതാവുമായ അരവിന്ദ് കെജ്രിവാള്. പണ്ഡിറ്റ് പന്ത് മാര്‍ഗ് റോഡിലെ ബിജെപി ഓഫീസില്‍ വനിതകള്‍ക്ക് ശൗചാലയ സൗകര്യമില്ലെന്ന് കാണിച്ചാണ് ഈ വാഗ്ദാനവുമായി കെജ്രിവാള് രംഗത്തെത്തിയത്. ഗാന്ധിജയന്തി ദിനത്തില്‍ രാജ്യമെമ്പാടും ശുചിത്വ സന്ദേശം നല്‍കിയ പ്രധാനമന്ത്രി നരേന്ദ്രമോഡിക്കുള്ള മറുപടിയാണ് കെജ്‌രിവാളിന്റെ നീക്കം.
ശൗചാലയം നിര്‍മ്മിക്കുന്നതില്‍ രാഷ്ട്രീയം കാണേണ്ട കാര്യമില്ല. ബിജെപി ഓഫീസ് സ്ഥിതി ചെയ്യുന്നത് തന്റെ മണ്ഡലത്തിലാണ്. അതിനാല്‍ തന്നെ തന്റെ പ്രദേശിക വികസന ഫണ്ടില്‍ നിന്നും പണം മുടക്കാന്‍ തയ്യാറാണെന്നും കെജ്രിവാള് പറയുന്നു. നിലവില്‍ ഓഫീസിലുള്ള ശൗചാലയം വൃത്തിഹീനമാണ്. സ്ഥലപപരിമിതിയുമുണ്ട്. സ്ത്രീകള്‍ അനുഭവിക്കുന്ന ബുദ്ധിമുട്ട് പരിഹരിക്കാന്‍ നാല് യൂണിറ്റുകളുള്ള ശൗചാലയം നിര്‍മിക്കണമെന്നും കെജ്രിവാള് പറഞ്ഞു.
