പ്രധാനമന്ത്രി നരേന്ദ്ര മോദി കഴിഞ്ഞ ദിവസം ഫ്ലാഗോഫ് ചെയ്ത വാരണാസി- ഇൻഡോർ കാശി മഹാകാൽ എക്സ്‌പ്രെസിൽ ഒരു ബെർത്ത് നിത്യപൂജയ്ക്കായ് മാറ്റിവച്ച് അധികൃതർ. ട്രെയിനിൽനിന്നുമുള്ള ചിത്രങ്ങൾ പുറത്തുവന്നതോടെ സംഭവം വാലിയ വിവാദമായി മാറി. രാജ്യത്തെ മൂന്ന് പ്രധാന ശിവക്ഷേത്രങ്ങളുമായി ബന്ധിപ്പിയ്ക്കുന്ന ട്രെയിനിൽ ബി5 കോച്ചിലെ 64ആം ബെർത്താണ് നിത്യ പൂജയ്ക്കായി മാറ്റിവച്ചിരിയ്ക്കുന്നത്.
തീപിടുത്തം ഉണ്ടാക്കുന്ന വസ്തുക്കൾ ട്രെയിനിൽ കൊണ്ടുപോകാൻ പാടില്ലാ എന്നാണ് ചട്ടം. എന്നാൽ പൂജയ്ക്കാർ ടിടിഇ തീപ്പെട്ടി ഉരയ്ക്കുന്ന ചിത്രങ്ങൾ ഉൾപ്പടെ പുറത്തുവന്നിട്ടുണ്ട്. ഇൻഡോറിലുള്ള ഓംകാരേശ്വർ, ഉജ്ജയിനിയിലുള്ള മഹാകാലേശ്വർ, വാരാണാസിയിലുള്ള കാശി വിശ്വനാഥ ക്ഷേത്രങ്ങളെ ബന്ധിപ്പിയ്ക്കുന്നതാണ് ട്രെയിൻ. ഫെബ്രുവരി 20 മുതൽ ട്രെയിൻ സർവീസ് ആരംഭിയ്ക്കും.
