കോണ്‍ഗ്രസിനെ രക്ഷിക്കാന്‍ വേണ്ടത് കൂട്ടായ പ്രവര്‍ത്തനമാണെന്ന് മുതിര്‍ന്ന കോണ്‍ഗ്രസ് നേതാവ് ജയറാം രമേശ്. ഉത്തര്‍പ്രദേശില്‍ പ്രിയങ്ക ഗാന്ധി നിയമസഭ തെരഞ്ഞെടുപ്പ് പ്രചാരണത്തിന് ഇറങ്ങുമോ എന്ന ചോദ്യത്തിന് മറുപടിയായാണ് അദ്ദേഹം ഇങ്ങനെ പറഞ്ഞത്.
ഏതെങ്കിലും ഒരു നേതാവിലൂടെയല്ല, കൂട്ടായ പ്രവര്‍ത്തനത്തിലൂടെ മാത്രമേ കോണ്‍ഗ്രസിന്റെ പുനരുദ്ധാരണം സാധ്യമാകുകയുള്ളൂവെന്നും ജയറാം രമേശ് പറഞ്ഞു. എ ഇതു ചെയ്യും, ബി അതു ചെയ്യും, സി ഇതു ചെയ്യും എന്നൊക്കെ പിറകിലിരുന്ന് ഉത്തരവിടുന്ന കാലം കഴിഞ്ഞുവെന്നും അദ്ദേഹം പറഞ്ഞു. കൂട്ടായ പ്രവര്‍ത്തനം മാത്രമാണ് വിജയത്തിലേക്കുള്ള മാന്ത്രികവടിയെന്നും അദ്ദേഹം പറഞ്ഞു.