ഏറ്റുമുട്ടലില്‍ രണ്ട് ഭീകരര്‍ കൊല്ലപ്പെട്ടു
ജമ്മു കാശ്മീരില്‍ സൈന്യവുമായുള്ള ഏറ്റുമുട്ടലില്‍ രണ്ട് ഭീകരര്‍ കൊല്ലപ്പെട്ടു. ദക്ഷിണ കശ്മീരിലെ ഗുല്‍ഗാം ജില്ലയിലെ ചെന്നിഗാം ഗ്രാമത്തിലാണ് സുരക്ഷാ സേനയും ഭീകരരും തമ്മില്‍ വെടിവെപ്പ് നടന്നത്.
ഈ ഭാഗത്ത് ഭീകരര്‍ തമ്പടിച്ചിരിക്കുന്നതായ രഹസ്യവിവരം കിട്ടിയതിനെ തുടര്‍ന്ന് സൈന്യം നടത്തിയ തെരച്ചിലിനിടെ ഭീകരര്‍ സൈന്യത്തിനു നേരെ വെടിയുതിര്‍ക്കുകയായിരുന്നു. ഇതോടെ സൈന്യം തിരിച്ചടിക്കുകയായിരുന്നു. വെടിവെപ്പില്‍ രണ്ട് ഭീകരരും കൊല്ലപ്പെട്ടു ഇവിടെ നിന്ന് ഭീകരരുടെ ആയുധങ്ങളും മറ്റു സാമഗ്രികളും കണ്ടെത്തിയിട്ടുണ്ട്.
