ഓപ്പറേഷന്‍ സിന്ദൂറിന് പിന്നാലെ പ്രതിരോധ രംഗം കൂടുതല്‍ ശക്തമാക്കാനുള്ള നീക്കങ്ങളുമായി ഇന്ത്യ. ശത്രുരാജ്യങ്ങള്‍ക്ക് മുകളില്‍ ആഴത്തില്‍ നിരന്തരമായി നിരീക്ഷണം നടത്തുന്നതിനായി 2029 ഓടെ 52 ഉപഗ്രഹങ്ങള്‍ വിക്ഷേപിക്കാനാണ് ഇന്ത്യ ലക്ഷ്യമിടുന്നത്. 29,968 കോടി രൂപയാണ് സ്‌പേസ് ബേസ്ഡ് സര്‍വൈലന്‍സിന്റെ മൂന്നാം ഘട്ടത്തിനായി പ്രധാനമന്ത്രിയുടെ നേതൃത്വത്തിലുള്ള സുരക്ഷാകാര്യ കാബിനറ്റ് കമ്മിറ്റി കഴിഞ്ഞ ഒക്ടോബറില്‍ അനുമതി നല്‍കിയത്. ഈ പദ്ധതിയുടെ ഭാഗമായി 52 പ്രതിരോധ ഉപഗ്രഹങ്ങള്‍ ഇന്ത്യ വിക്ഷേപിക്കും.
