ബിബിസിയുടെ വിവാദ ഡോക്യുമെന്ററി ‘ഇന്ത്യയുടെ മകള്‍‘ സംപ്രേഷണം ചെയ്യുന്നത് നിരോധിച്ചുകൊണ്ടുള്ള ഉത്തരവ് റദ്ദാക്കണമെന്ന ആവശ്യം ഡല്‍ഹി ഹൈക്കൊടതി തള്ളി. നിരോധനം പിന്‍‌വലിക്കാ‍നാകില്ലെന്ന് പറഞ്ഞ കോടതി ഇക്കാര്യത്തില്‍ അടുത്ത ആഴ്ച സുപ്രീംകോടതി വിഷയം പരിഗണിക്കുമ്പോള്‍ ഉചിതമായ തീരുമാനം എടുക്കട്ടെയെന്നും അഭിപ്രായപ്പെട്ടു. നിരോധനം പിന്‍വലിച്ച് ഇടക്കാല ഉത്തരവ് ഇറക്കണമെന്ന ആവശ്യവുമായി മൂന്നു നിയമവിദ്യാര്‍ഥികള്‍ നല്‍കിയ പൊതുതാല്‍പര്യ ഹര്‍ജിയാണ് കോടതി തള്ളിയത്.
