ആം‌ആദ്മി സ്ഥാപക നേതാക്കളില്‍ ഒരാളായ ഷാസിയ ഇല്‍മി പാര്‍ട്ടി വിട്ടു. പാര്‍ട്ടിയില്‍ നിന്ന് രാജിവെയ്ക്കുകയെന്നത് തന്നെ സംബന്ധിച്ച് വ്യത്യസ്തമായ തീരുമാനമാണെങ്കിലും ആപ്പിന് ഇനിയും രാജ്യത്തെ രാഷ്ടീയ രംഗത്ത് ഒരു പാട് കാര്യങ്ങള്‍ ചെയ്യാനുണ്ടെന്ന് ഇപ്പോഴും വിശ്വസിക്കുന്നുവെന്ന് ഷാസിയ ഇല്‍മി രാജിക്കത്തില്‍ വ്യക്തമാക്കുന്നു.
അഴിമതി രഹിത ഇന്ത്യയെന്ന മുദ്രാവാക്യം പേറുന്ന പാ‍ര്‍ട്ടിയുടെ ഭാഗത്ത് നിന്ന് ഉണ്ടായ തെറ്റുകളെ വേണമെങ്കില്‍ ന്യായീകരിക്കാം. എന്നാല്‍ സ്വരാജിനെക്കുറിച്ച് തുടര്‍ച്ചയായി സംസാരിക്കുന്ന സംഘടനയില്‍ ഉള്‍പ്പാര്‍ട്ടി ജനാധിപത്യമില്ലാത്തത് മൂലമാണ് തന്റെ തീരുമാനത്തിന് കാരണമെന്ന് രാജിക്കത്തില്‍ ഷാസിയ ഇല്‍മി പറയുന്നു.
