മതവികാരം വ്രണപ്പെടുത്തുന്നതിനാല്‍ ഗോഡ്ഫാദര്‍ ബിയര്‍ നിരോധിക്കണമെന്ന് ഹര്‍ജി. ദൈവത്തെ സൂചിപ്പിക്കാനായി ഉപയോഗിക്കുന്ന 'ഗോഡ്' എന്ന വാക്ക് ബിയറുമായി ചേര്‍ത്ത് പറയുന്നത് മതവിഭാഗങ്ങളുടെ വികാരങ്ങള്‍ വ്രണപ്പെടുത്തുമെന്ന് ചൂണ്ടികാട്ടിയാണ് ജന്‍ ചേത്‌ന മഞ്ച് എന്ന സംഘടന ഡല്‍ഹി ഹൈക്കോടതിയില്‍ ഹര്‍ജി സമര്‍പ്പിച്ചത്.
ഇതുമാത്രമല്ല, ഗോഡ്ഫാദര്‍ നിര്‍മ്മാതാക്കള്‍ രണ്ട് ഇംഗ്ലീഷ്, ഹിന്ദി ദേശീയ പത്രങ്ങളിലൂടെ ജനങ്ങളോട് മാപ്പ് പറയണമെന്നും ഹര്‍ജിക്കാര്‍ പറയുന്നു. അടുത്തയാഴ്ച ഹര്‍ജിയില്‍ വാദം കേട്ടേക്കും.
