''ശശികലയ്ക്ക് അത്രയും ശിക്ഷ കിട്ടിയാൽ പോര'' - ഗൗതമിയുടെ വാക്കു‌കൾക്ക് ഇരട്ടിമൂർച്ച

ജയല‌ളിത മരിച്ചപ്പോൾ മരണത്തിൽ ദുരൂഹതയുണ്ടെന്നും അന്വേഷണം വേണമെന്നും ഗൗതമി ശക്തമായി പ്രതികരിച്ചിരുന്നു. ജയലളിതയുടെ മരണം ഉറപ്പായതു മുതൽ അമ്മയുടെ തോഴിയായ ശശികലയ്ക്കെതിരെ ഒളിഞ്ഞും തെളിഞ്ഞും അവർ ആരോപണം ഉന്നയിച്ചിരുന്നു. 

ഇപ്പോൾ അഴിമതിക്കേസിൽ ശിക്ഷിക്കപ്പെട്ട് ശശികല ജയിലിലേക്ക് പോകാനൊരുങ്ങുമ്പോഴും 'ചിന്നമ്മ'യ്ക്കെതിരെ വീണ്ടും രൂക്ഷമായ പ്രസ്താവനയുമായി ഗൗതമി രംഗത്തെത്തിയിരിക്കുകയാണ്. 

‘അഴിമതിക്കേസിൽ ശശികല ജയിലിലാകുന്നു. എന്നാൽ അമ്മയുടെ മരണത്തിന് കൂടി അവർ ഉത്തരം പറയണം. മാത്രമല്ല ഈ രണ്ടുകേസിലും ഒരേ ശിക്ഷ നൽകിയാൽ പോര'' .–ഗൗതമി പറഞ്ഞു.

അനധികൃതസ്വത്തുകേസിലാണ് വി കെ ശശികലയുടെ ശിക്ഷ ശരിവച്ചത് വിചാരണകോടതി വിധി സുപ്രീംകോടതിയാണ് ശരിവച്ചത്. വിചാരണകോടതി വിധി റദ്ദാക്കിയ ഹൈക്കോടതി നടപടി അസാധുവായി. ശശികലയ്ക്ക് 4 വര്‍ഷം തടവുശിക്ഷയും 10 കോടിരൂപ പിഴയും വിധിച്ചു. ബെംഗളൂരു വിചാരണകോടതിയിൽ കീഴടങ്ങാൻ ശശികലയ്ക്കു സുപ്രീംകോടതി നിർദേശം നൽകി.