ഉത്തര്‍ പ്രദേശിലെ അലിഗഡില്‍ രണ്ടു വയസുകാരിയെ അതിക്രൂരമായി കൊലപ്പെടുത്തിയ കേസിലെ പ്രതികളിലൊരാള്‍ ഏഴു വയസുകാരിയായ മകളെ ബലാത്സംഗം ചെയ്ത കേസില്‍ അറസ്റ്റിലായി ജാമ്യത്തില്‍ പുറത്തിറങ്ങിയ വ്യക്തി. രണ്ടു വയസുകാരിയെ ക്രൂരമായി കൊലപ്പെടുത്തിയ വിഷയത്തില്‍ രാജ്യം മുഴുവന്‍ പ്രതിഷേധം പടരുന്നുമുണ്ട്. ബോളിവുഡ് ഒന്നടങ്കം വിഷയത്തില്‍ രംഗത്തെത്തി.
കേസില്‍ രണ്ടു പേരാണ് ഇതുവരെ അറസ്റ്റിലായിരിക്കുന്നത്. ഇതില്‍ ഒരാളാണ് 2014-ല്‍ മകളെ ബലാത്സംഗം ചെയ്ത കേസില്‍ അറസ്റ്റ് ചെയ്യപ്പെട്ടിരുന്നതെന്ന് പോലീസ് ഉദ്യോഗസ്ഥരെ ഉദ്ധരിച്ച് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു. ഒരു ബന്ധു നല്‍കിയ പരാതിയെ തുടര്‍ന്നായിരുന്നു ഇയാള്‍ പിടിയിലായത്. അടുത്തിടെയാണ് ഇയാള്‍ ജാമ്യത്തിലിറങ്ങിയതെന്നും പോലീസ് പറയുന്നു.
