ലക്ഷങ്ങള്‍ പൊടിച്ചിട്ട് പരിഹാസവും ട്രോളുകളും മാത്രം; പ്രിയാ വാര്യരെ ഗെറ്റൌട്ടടിച്ച് മഞ്ച്
മാണിക്യ മലരായ പൂവി എന്ന ഗാനത്തിലൂടെ സമൂഹമാധ്യമങ്ങളിലെ താരമായി തീര്‍ന്ന പ്രിയാ വാര്യരുടെ പരസ്യം പിന്‍വലിക്കുന്നതായി ചോക്ലേറ്റ് കമ്പനിയായ മഞ്ച്.
പരസ്യത്തിലെ പ്രിയയുടെ അഭിനയം മോശമായിരുന്നുവെന്നും പ്രതീക്ഷിച്ച ഫലം ഇതിലൂടെ ലഭിച്ചില്ലെന്നും ചൂണ്ടിക്കാട്ടിയാണ് പരസ്യം പിന്‍വലിക്കാന്‍ കമ്പനി തീരുമാനിച്ചത്.
പരസ്യത്തിനായി മുപ്പത്തിയഞ്ചോളം റീടേക്കുകള്‍ പ്രിയയ്‌ക്ക് ആവശ്യമായി വന്നു. ഇതിനു ശേഷമാണ് പരസ്യം ഇറങ്ങിയത്. എന്നിട്ടും വിചാരിച്ച രീതിയിൽ പരസ്യം ശ്രദ്ധിക്കപ്പെട്ടില്ലെന്നും നിർമ്മാതാക്കൾ വ്യക്തമാക്കി.
20 ലക്ഷം രൂപയാണ് പരസ്യത്തിനായി പ്രിയാ വാങ്ങിയത്. ഹിന്ദി അടക്കം വിവിധ ഭാഷകളിൽ പരസ്യം പുറത്തുവന്നതിനു പിന്നാലെ നിരവധി ട്രോളുകളും കമ്പനിക്ക് നേരിടേണ്ടിവന്നു. ഇതോടെ പ്രതീക്ഷിച്ച ഫലം ലഭ്യമായില്ല. ഇതോടെയാണ് പരസ്യം പിൻവലിക്കാന്‍ കമ്പനി അധികൃതര്‍ തീരുമാനിച്ചത്.
