രാഹുൽ ഗാന്ധിയുടെ അഴിമതി ആരോപണങ്ങൾക്ക് പ്രധാനമന്ത്രി നരേന്ദ്ര മോദിയുടെ പരിഹാസരൂപേണയുള്ള മറുപടി. ഭൂകമ്പം ഉണ്ടാകുമെന്ന് പേടിപ്പിച്ച കോൺഗ്രസിലെ യുവനേതാവ് പ്രസംഗിക്കാൻ പഠിച്ച് വരികയാണെന്നാണ് രാഹുലിനെ പേരെടുത്ത് പറയാതെ പ്രധാനമന്ത്രി പരിഹസിച്ചത്. ഇപ്പോൾ ആ യുവ നേതാവ് പ്രസംഗിക്കാൻ പഠിച്ചതിൽ താന്‍ അതിയായി സന്തോഷിക്കുന്നതായും മോദി പറഞ്ഞു.
മോദി അഴിമതി നടത്തിയതിന്റെ സകല തെളിവുകളും തന്റെ പക്കല്‍ ഉണ്ടെന്നും അത് വെളിപ്പെടുത്തിയാൽ രാജ്യത്ത് ഭൂകമ്പമുണ്ടാകുമെന്നും രാഹുൽ ഗാന്ധി പ്രസ്താവിച്ചിരുന്നു. "അദ്ദേഹം സംസാരിച്ചിട്ടില്ലായിരുന്നെങ്കിൽ ഒരു ഭൂകമ്പം ഉണ്ടായേനെ. എതായാലും സംസാരിച്ച് തുടങ്ങിയത് വളരെ നന്നായി. ഇനി ഒരു ഭൂകമ്പത്തിനുള്ള സാധ്യതയില്ല" എന്നായിരുന്നു ഇതേക്കുറിച്ച് മോദിയുടെ പരാമർശം.
