കൊവിഡ്19: ലോക്ക്ഡൗണിനെ പലരും കാര്യമായെടുക്കുന്നില്ല, ദയവായി സ്വയം സംരക്ഷിക്കണമെന്ന് പ്രധാനമന്ത്രി

കൊറോണ വ്യാപനം തടയുന്നതിനുള്ള സർക്കാരിന്റെ നിർദേശങ്ങൾ അവഗണിക്കുന്നവർകെതിരെ പ്രധാനമന്ത്രി നരേന്ദ്രമോദി. കൊവിഡ് ജാഗ്രതയുടെ ഭാഗമായി പ്രഖ്യാപിച്ച ലോക്ക് ഡൗണിനെ എല്ലവരും ഗൗരവകരമായി എടുക്കണമെന്നും ദയവായി ആളുകൾ സ്വയം സംരക്ഷിക്കണമെന്നും പ്രധാനമന്ത്രി ട്വിറ്ററിലൂടെ ആവശ്യപ്പെട്ടു.

लॉकडाउन को अभी भी कई लोग गंभीरता से नहीं ले रहे हैं। कृपया करके अपने आप को बचाएं, अपने परिवार को बचाएं, निर्देशों का गंभीरता से पालन करें। राज्य सरकारों से मेरा अनुरोध है कि वो नियमों और कानूनों का पालन करवाएं।

— Narendra Modi (@narendramodi) March 23, 2020

കൊവിഡ് ബാധയുടെ പശ്ചാത്തലത്തിൽ രാജ്യത്തെ 75ലധികം ജില്ലകളെ അടച്ചിടാൻ ഇന്നലെ കേന്ദ്ര സർക്കാർ തീരുമാനിച്ചിരുന്നു.ഇതിന് പിന്നാലെയാണ് പ്രധാനമന്ത്രി ലോക്ക്ഡൗൺ ഗൗരവകരമായി തന്നെ എടുക്കണമെന്ന് അഭ്യർത്ഥനയുമായി രംഗത്തെത്തിയത്. പല ആളുകളും ഇപ്പോളും അക്ക്ചുപൂട്ടലിനെ ഗൗരവകരമായി എടുക്കുന്നില്ല,ദയവായി സ്വയം സംരക്ഷികുക,നിങ്ങളുടെ കുടുംബത്തെ രക്ഷിക്കുക.നിർദേശങ്ങൾ ഗൗരവകരമായി പാലിക്കുക.നിയമങ്ങളും നിർദേശങ്ങളും പാലിക്കുന്നുണ്ടെന്ന് ഉറപ്പാക്കാൻ സംസ്ഥാന സർക്കാരുകളോടും ഞാൻ അഭ്യർത്ഥിക്കുന്നു. മോദി ട്വീറ്റ് ചെയ്‌തു.

നിലവിൽ രോഗം സ്ഥിരീകരിച്ച  രാജ്യത്തെ എൺപതോളം ജില്ലകളാണ് ലോക്ക്ഡൗൺ ചെയ്‌തി‌ട്ടുള്ളത്.