ജമ്മു കാശ്മീരില്‍ ബസ് കൊക്കയിലേക്ക് മറിഞ്ഞ് 21 പേര്‍ മരിച്ചു
ജമ്മു കാഷ്മീരില്‍ ബസ് കൊക്കയിലേയ്ക്ക് മറിഞ്ഞ് 21 പേര്‍ മരിച്ചു. 30 പേര്‍ക്ക് പരുക്കേറ്റു. ഇവരില്‍ ആറ് പേരുടെ നില ഗുരുതരമാണ്. ഉദ്ദംപുര്‍ ജില്ലയിലെ മറോത്തിയിലണ് അപകടമുണ്ടായത്. നിയന്ത്രണം വിട്ട ബസ് കൊക്കയിലേയ്ക്ക് മറിയുകയായിരുന്നു. മരണസംഖ്യ ഉയര്‍ന്നേക്കാമെന്നാണ് സൂചന.
പരിക്കേറ്റ ആറ് പേരെ ഹെലികോപ്റ്റര്‍ മാര്‍ഗമാണ് ജമ്മുവിലെ ആശുപത്രിയില്‍ എത്തിച്ചത്.സംഭവത്തില്‍ പ്രധാനമന്ത്രി നരേന്ദ്ര മോഡി അനുശോചനം രേഖപ്പെടുത്തി. അപകടം സംബന്ധിച്ച് വിശദാംശങ്ങള്‍ അദ്ദേഹം ആവശ്യപ്പെട്ടതായാണ് റിപ്പോര്‍ട്ടുകള്‍.
