ഇയാള്‍ അരാരിയ ജില്ലയിലെ കുർസകണ്ട എന്ന സ്ഥലത്ത് നിന്നുള്ള യുവതിയെ വിവാഹം കഴിക്കാനായിരുന്നു ശ്രമം നടത്തിയത്. ഇതിനിടെ യുവാവിന്റെ ഒന്നാം ഭാര്യ സ്ഥലത്തെത്തി. ധാരാളം ആളുകൾ നോക്കിനിൽക്കെയാണ് പിന്നീട് നാടകീയ സംഭവങ്ങൾ അരങ്ങേറിയത്. യുവാവ് വിവാഹം ചെയ്യുന്നത് അറിഞ്ഞ കോടതി പരിസരത്തുണ്ടായിരുന്ന ബന്ധുക്കളാണ് ഒന്നാം ഭാര്യയെ വിവരമറിയിച്ചത്.
തുടര്‍ന്ന് ആദ്യ ഭാര്യപരാതി നല്‍കുകയും മുംതാസിനെയും നാലാം വധുവിനെയും പോലീസ് സ്റ്റേഷനിലേക്ക് കൊണ്ടുപോയി. പരാതിയില്‍ ഒന്നാം ഭാര്യ ആരോപിക്കുന്ന കാര്യങ്ങൾ സത്യമാണോയെന്ന് പരിശോധിച്ച ശേഷം കൂടുതൽ നടപടികളുണ്ടാകുമെന്ന് പോലീസ് വ്യക്തമാക്കി. മുംതാസും, ഇപ്പോള്‍ വിവാഹം കഴിക്കാനിരുന്ന യുവതിയും ഫേസ്ബുക്കിലാണ് പരിചയപ്പെട്ടത്. ഈ യുവതിയെ കസ്റ്റഡിയിലെടുത്ത പോലീസ് ഇവരുടെ വീട്ടുകാരെ സ്റ്റേഷനിലേക്ക് വിളിച്ചുവരുത്തി.
