കെജ്രിവാള് പാഠം പഠിച്ചു; ‘അധികാരത്തില്‍ വന്നാല്‍ രാജിവെയ്ക്കില്ല’
വ്യാഴം, 6 നവം‌ബര്‍ 2014 (15:49 IST)
ഡല്‍ഹിയില്‍ ഒരിക്കല്‍ കൂടി അധികാരത്തില്‍ വരികയാണെങ്കില്‍ താന്‍ രാജിവെക്കില്ലെന്ന് ആംആദ്മി പാര്‍ട്ടി നേതാവ് അരവിന്ദ് കെജ്രിവാള്. ഇതിനോടകം തന്നെ പാഠം പഠിച്ചെന്നും എന്‍ഡിടിവിക്ക് നല്‍കിയ അഭിമുഖത്തില്‍ കെജ്രിവാള് വെളിപ്പെടുത്തി.
താനും നരേന്ദ്രമോഡിയും തമ്മില്‍ നേര്‍ക്കുനേര്‍ എന്ന രീതിയില്‍ ബിജെപി ഒരു കൃത്രിമ യുദ്ധം സൃഷ്ടിക്കുകയാണ്. ജനങ്ങളെ വഞ്ചിക്കുകയാണ് ഇവര്‍ ചെയ്യുന്നത്. മോഡി ഒരിക്കലും ഡല്‍ഹി ഭരിക്കില്ല. അത് മറ്റാരെയെങ്കിലും ഏല്‍പ്പിക്കുകയേ ഉള്ളുവെന്നും കെജ്രിവാള് പറഞ്ഞു.
നരേന്ദ്രമോഡി നല്ല പ്രാസംഗികനും കൃത്യമായ ദിശാബോധമുള്ള വ്യക്തിയുമാണെന്ന് കെജ്രിവാള് കഴിഞ്ഞ ദിവസം പറഞ്ഞിരുന്നു.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും ട്വിറ്ററിലും പിന്തുടരുക.
