ചലച്ചിത്ര താരം ആമിര്‍ ഖാനെ താന്‍ ഒറ്റുകാരനെന്ന് വിളിച്ചിട്ടില്ലെന്നും ഇനി ഒരിക്കലും അങ്ങനെ വിളിക്കുകയില്ലെന്നും ബി ജെ പി എം പി മനോജ് തിവാരി. ബി ജെ പി പാർലമെൻററി സ്റ്റാൻഡിങ് കമ്മിറ്റി യോഗത്തില്‍ മനോജ് തിവാരി, ആമിറിനെ ‘ഒറ്റുകാരന്‍’ എന്ന് വിളിച്ചതായി വാര്‍ത്തകള്‍ വന്നിരുന്നു. ഇതിനോട് പ്രതികരിക്കുകയായിരുന്നു അദ്ദേഹം.
ആമിര്‍ ഖാനെ ടൂറിസം അംബാസഡർ സ്ഥാനത്തു നിന്നും മാറ്റിയ പശ്ചാത്തലത്തില്‍ വെള്ളിയാഴ്ച പാർട്ടിയുടെ പാർലമെൻററി സ്റ്റാൻഡിങ് കമ്മറ്റി യോഗം ചേര്‍ന്നിരുന്നു. ഈ യോഗത്തില്‍, മനോജ് തിവാരി ആമിര്‍ ഖാനെ ‘ഒറ്റുകാരന്‍’ എന്നു വിളിച്ചെന്നായിരുന്നു റിപ്പോര്‍ട്ട്.
