നളന്ദ സര്‍വ്വകലാശാലയില്‍ നിന്ന് തന്നെ നരേന്ദ്ര മോഡി സര്‍ക്കാര്‍ പുറത്താക്കിയെന്ന് നൊബേല്‍ ജേതാവും സാമ്പത്തികവിദഗ്ധനുമായ അമര്‍ത്യ സെന്‍. നളന്ദ സര്‍വ്വകലാശാലയുടെ ചാന്‍സലര്‍ ആകാനുള്ള സ്ഥാനാര്‍ത്ഥിത്വം പിന്‍വലിച്ച് മാസങ്ങള്‍ക്ക് ശേഷമാണ് അമര്‍ത്യ സെന്‍ വിവാദ വെളിപ്പെടുത്തലുകളുമായി രംഗത്ത് എത്തിയിരിക്കുന്നത്.
ചാന്‍സലര്‍ പദവിയില്‍ ഒരു ടേം പൂര്‍ത്തിയാക്കിയ സെന്നിന് ഒരു ടേം കൂടി നല്‍കാന്‍ സര്‍വ്വകലാശാലയുടെ ഗവേണിങ് ബോഡി ജനുവരിയില്‍ സര്‍ക്കാരിന് ശുപാര്‍ശ നല്‍കിയിരുന്നു. എന്നാല്‍, താന്‍ തുടരുന്നത് നരേന്ദ്ര മോഡി സര്‍ക്കാര്‍ ആഗ്രഹിക്കാത്ത സാഹചര്യത്തില്‍ പിന്‍വാങ്ങുകയാണെന്ന് സര്‍വ്വകലാശാല ഗവേണിങ് ബോഡിക്ക് അയച്ച കത്തില്‍ സെന്‍ വ്യക്തമാക്കിയിരുന്നു.
