റോഡരികില്‍ ഉറങ്ങുകയായിരുന്ന ആളുകളുടെയിടയിലേക്ക് വാഹനം ഓടിച്ചുകയറ്റി ഒരാള്‍ മരിച്ച സംഭവത്തില്‍ സല്മാന് ഖാന് സുപ്രീംകോടതിയുടെ നോട്ടീസ്. കേസില്‍ ബോംബെ ഹൈക്കോടതി സല്മാന് ഖാനെ കുറ്റവിമുക്തനാക്കിയിരുന്നു. ഇതിനെതിരെ, മഹാരാഷ്‌ട്ര സര്‍ക്കാര്‍ സുപ്രീംകോടതിയില്‍ സമര്‍പ്പിച്ച ഹര്‍ജിയിലാണ് സല്മാന് നോട്ടീസ് അയച്ചിരിക്കുന്നത്.
അപകടം നടക്കുന്ന സമയത്ത് സല്മാന് ഖാന് ആയിരുന്നു കാര്‍ ഓടിച്ചിരുന്നതെന്ന് തെളിയിക്കാന്‍ പ്രോസിക്യൂഷന് കഴിഞ്ഞിരുന്നില്ല. കാറോടിച്ചത് സല്‍മാനാണ് എന്നതിന് തെളിവില്ലെന്നും ഒരേയൊരു സാക്ഷിമൊഴിയുടെ അടിസ്ഥാനത്തിലാണ് സല്‍മാനെ വിചാരണ കോടതി ശിക്ഷിച്ചതെന്നും സല്‍മാനു വേണ്ടി ഹാജരായ കപില്‍ സിബല്‍ വാദിച്ചിരുന്നു.
