സെന്‍സര്‍ ബോര്‍ഡ് ചെയര്‍പേഴ്സണ്‍ ലീല സാംസണ്‍ രാജിവെച്ചതിനു പിന്നാലെ 12 സെന്‍സര്‍ ബോര്‍ഡ് അംഗങ്ങള്‍ കൂടി രാജിവെച്ചു. അരുന്ധതി നാഗ്, ഇറ ഭാസ്കര്‍ ,ലോറ പ്രഭു, പങ്കജ് ശര്‍മ്മ, രാജീവ് മാസന്ദ്, ശേഖര്‍ബാബു കഞ്ചെര്‍ല, ഷാജി കരുണ്‍ , ശുഭ്ര ഗുപ്ത, ടി ജി ത്യാഗരാജന്‍ ,എം കെ റെയ്ന, അന്‍ജും രജബാലി, നിഖില്‍ ആല്‍വ, മമംഗ് ദയി, എല്‍ കെ പ്രഭു എന്നിവരാണ് ഇന്ന് സെന്‍സര്‍ ബോര്‍ഡില്‍ നിന്ന് രാജിവെച്ചത്.
അതേസമയം, പുതിയ സെന്‍സര്‍ ബോര്‍ഡിനെ അടുത്തു തന്നെ തെരഞ്ഞെടുക്കുമെന്ന് വാര്‍ത്താവിനിമയ - പ്രക്ഷേപണമന്ത്രി രാജ്യവര്‍ദ്ധന്‍ റാത്തോഡ് അറിയിച്ചു. സെന്‍സര്‍ ബോര്‍ഡിന്റെ പ്രവര്‍ത്തനങ്ങളിലും തീരുമാനങ്ങളിലും വാര്‍ത്താവിതരണ പ്രക്ഷേപണമന്ത്രാലയം ഇടപെടുന്നുവെന്നും വന്‍ അഴിമതി നടക്കുന്നുണ്ടെന്നും ആരോപിച്ച് ആയിരുന്നു ലീല സാംസണ്‍ കഴിഞ്ഞദിവസം രാജിവെച്ചത്.
