ക്രിസ്മസ് ആഘോഷങ്ങള്‍ക്കിടെ ബംഗ്ലാദേശില്‍ 17 ക്രിസ്ത്യന്‍ വീടുകള്‍ തീവച്ച് നശിപ്പിച്ചു. ബംഗ്ലാദേശിലെ ചിറ്റഗോഗ് ഹില്‍ ട്രാക്ക്‌സിലെ ത്രിപുര പാരയിലാണ് സംഭവം. ക്രിസ്മസ് രാത്രി 12:30 യോടെയാണ് വീടുകള്‍ കത്തിച്ചത്. ആളുകള്‍ ഗ്രാമത്തിലെ പള്ളിയില്‍ കുര്‍ബാനയ്ക്ക് പോയ സമയത്ത് ആയിരുന്നു അതിക്രമം. പ്രദേശത്തെ 17 വീടുകള്‍ പൂര്‍ണമായും കത്തി നശിക്കുകയും രണ്ടു വീടുകള്‍ ഭാഗികമായി കത്തിനശിക്കുകയും ചെയ്തു. സംഭവത്തില്‍ നാല് പേരെ പോലീസ് അറസ്റ്റ് ചെയ്തിട്ടുണ്ട്.
