സ്‌കൂള്‍ ബസ് നദിയിലേക്ക് മറിഞ്ഞ സംഭവം: 4 മൃതദേഹങ്ങള്‍ കണ്ടെടുത്തു
ശനി, 18 ഫെബ്രുവരി 2012 (18:30 IST)
പതിനഞ്ച് കുട്ടികളുമായി സ്‌കൂള്‍ ബസ് നദിയിലേക്ക് മറിഞ്ഞ സംഭവത്തില്‍ നാല് മൃതദേഹങ്ങള്‍ കണ്ടെടുത്തു. അല്‍ദോന ഗ്രാമത്തിലെ നദിയിലേക്കാണ് സ്‌കൂള്‍ ബസ് മറിഞ്ഞത്. മൂന്ന് കുട്ടികളെ നേരത്തെ രക്ഷപ്പെടുത്തിയിരുന്നു. ബ്രേക്ക് നഷ്‌ടപ്പെട്ട് നിയന്ത്രണം വിട്ട ബസ് നദിയിലേക്ക് മറിയുന്നതിനു മുമ്പ് തന്നെ ഡ്രൈവറും ക്ലീനറും ബസില്‍ നിന്നും ചാടി രക്ഷപ്പെട്ടിരുന്നു. ബസില്‍ എത്രകുട്ടികളാണുണ്ടായിരുന്നതെന്ന വ്യക്തമായ കണക്ക് ഇതുവരെ ലഭ്യമായിട്ടില്ല.
ബസിലുണ്ടായിരുന്ന കാണാതായ കുട്ടികള്‍ക്കായുള്ള തിരച്ചില്‍ ഊര്‍ജ്ജിതമായി നടക്കുന്നുണ്ട്. കാല്‍‌വി നദിയിലേക്കാണ് കുട്ടികളുമായി വന്ന വാന്‍ നിയന്ത്രണം നഷ്‌ടപ്പെട്ട് മറിഞ്ഞത്.
