സുനന്ദ മരിച്ചതായി കണ്ടെത്തിയപ്പോള്‍ മുറിയില്‍ ഉണ്ടായിരുന്നവര്‍ അടക്കമുള്ളവരെ ആയിരിക്കും ചോദ്യം ചെയ്യുക. സുനന്ദയുടെ മരണവുമായി ബന്ധപ്പെട്ട് നേരത്തെയും തരൂരിനെ ചോദ്യം ചെയ്തിരുന്നു. ഇതില്‍ ചില ചോദ്യങ്ങള്‍ക്ക് നല്കിയ ഉത്തരത്തില്‍ വ്യക്തത ഉണ്ടായിരുന്നില്ല. ഇതിനെല്ലാം വ്യക്തത വരുത്തനായിരിക്കും ഇനിയുള്ള ചോദ്യം ചെയ്യലില്‍ പൊലീസ് ശ്രമിക്കുക.
അതേസമയം, തരൂരിന് ചോദ്യം ചെയ്യുന്നതിനായി പത്തോളം ചോദ്യങ്ങള്‍ തയ്യാറാക്കിയതായാണ് റിപ്പോര്‍ട്ട്. സുനന്ദയുടെ ദേഹത്ത് കാണപ്പെട്ട ക്ഷതങ്ങളെക്കുറിച്ചും മുറിവുകളെക്കുറിച്ചുമുള്ള ചോദ്യങ്ങള്‍ ആയിരിക്കും ഇതില്‍ പ്രധാനമായും ഉണ്ടാകുക. ആദ്യതവണ ചോദ്യം ചെയ്തപ്പോള്‍ ഇക്കാര്യത്തില്‍ വ്യക്തമായ ഉത്തരം നല്കാന്‍ തരൂരിന് കഴിഞ്ഞിരുന്നില്ല.
