പ്രമുഖ ബോളിവുഡ് ഗായകന്‍ അങ്കിത് തിവാരിയെ പീഡനക്കേസില്‍ അറസ്റ്റില്‍. മുംബൈ സ്വദേശിനിയായ പെണ്‍കുട്ടിയെ വിവാഹ വാഗ്ദാനം നല്‍കി ലൈംഗികമായി പീഡിപ്പിച്ചു എന്ന കുറ്റത്തിനാണ് അങ്കിതിനെ വെര്‍സോവ പൊലീസ് അറസ്റ്റ് ചെയ്തിരിക്കുന്നത്. അങ്കിതിന്റെ പെണ്‍സുഹൃത്തു കൂടിയാണ് പീഡനത്തിനിരയായ പെണ്‍കുട്ടി. വ്യാഴാഴ്ച രാവിലെയായിരുന്നു അറസ്റ്റ്. പെണ്‍കുട്ടിയെ ഭീഷണിപ്പെടുത്തിയ കുറ്റത്തിന് അങ്കിതിന്റെ സഹോദരന്‍ അങ്കുര്‍ തിവാരിയെയും പൊലീസ് കസ്റ്റഡിയിലെടുത്തിട്ടുണ്ട്.
