രാഹുല്‍ പ്രധാനമന്ത്രിയാകുന്നത് സ്വാഗതം ചെയ്യുന്നു: മന്‍‌മോഹന്‍
വെള്ളി, 5 ഏപ്രില്‍ 2013 (19:13 IST)
PRO
PRO
രാഹുല്‍ ഗാന്ധി പ്രധാനമന്ത്രിയാകുന്നതിനെ സ്വാഗതം ചെയ്യുന്നുവെന്ന് മന്‍മോഹന്‍സിംഗ്. പ്രധാനമന്ത്രിയാകാന്‍ യോഗ്യനാണെന്ന് രാഹുലിന്റെ കഴിഞ്ഞ ദിവസത്തെ പ്രസംഗം തെളിയിച്ചു. ഇരട്ട അധികാരകേന്ദ്രത്തെച്ചൊല്ലിയുള്ള വിവാദം അനാവശ്യവും മാധ്യമസൃഷ്ടിയുമാണ്.
ഒമ്പത് വര്‍ഷമായി താനും സോണിയാഗാന്ധിയും സര്‍ക്കാരിനെയും പാര്‍ട്ടിയെയും വിജയകരമായി മുന്നോട്ട് കൊണ്ടുപോകുകയാണ്. മൂന്നാം തവണയും പ്രധാനമന്ത്രിയാകുമോ എന്ന ചോദ്യത്തിന് അക്കാര്യം തള്ളിക്കളയുന്നില്ലെന്നും അദ്ദേഹം മറുപടി നല്‍കി. പദ്മ അവാര്‍ഡ് ചടങ്ങിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു പ്രധാനമന്ത്രി.
