വര്‍ഷങ്ങള്‍ നീണ്ട പ്രവര്‍ത്തനത്തിലൂടെ വിവിധ കോണ്‍ഗ്രസ് സര്‍ക്കാരുകള്‍ രാജ്യത്ത് ജനപ്രിയ പദ്ധതികള്‍ നടപ്പിലാക്കിയിരുന്നു. എന്നാല്‍, ഇവ അട്ടിമറിക്കുകയാണ് എന്‍ ഡി എ സര്‍ക്കാര്‍ ചെയ്തതെന്നും സോണിയ പറഞ്ഞു.
കേന്ദ്രത്തിന്റെ നിര്‍ദ്ദേശങ്ങള്‍ പാലിക്കുന്നതിനൊപ്പം സംസ്ഥാന താല്പര്യവും മുഖ്യമന്ത്രിമാര്‍ നടപ്പാക്കണം. എന്നാല്‍, കോണ്‍ഗ്രസുകാരന്‍ എന്ന നിലക്ക് ജനതാല്പര്യത്തിന് എതിരായി മോഡി സര്‍ക്കാര്‍ ചെയ്യുന്ന കാര്യങ്ങള്‍ എതിര്‍ക്കണമെന്നും സോണിയ പറഞ്ഞു.
ഉപാധ്യക്ഷന്‍ രാഹുല്‍ ഗാന്ധിയും മുന്‍ പ്രധാനമന്ത്രി മന്‍മോഹന്‍ സിംഗും യോഗത്തില്‍ പങ്കെടുക്കുന്നുണ്ട്. ഒമ്പത് സംസ്ഥാന മുഖ്യമന്ത്രിമാരെ കൂടാതെ ലോക്സഭ പാര്‍ലമെന്‍ററി പാര്‍ട്ടി നേതാവ് മല്ലികാര്‍ജുന ഖാര്‍ഗെ, രാജ്യസഭ പ്രതിപക്ഷ നേതാവ് ഗുലാം നബി ആസാദ്, എ കെ ആന്‍റണി അടക്കമുള്ള നേതാക്കളും യോഗത്തില്‍ പങ്കെടുക്കുന്നുണ്ട്.
