രാജ്യത്തെ പതിനഞ്ചാമത് ഉപരാഷ്ട്രപതിയെ കണ്ടെത്താനുള്ള വോട്ടെടുപ്പ് ഇന്ന് രാവിലെ പത്തു മുതൽ വൈകിട്ട് അഞ്ചു വരെ നടക്കും. പാർലമെന്റിൽ തയ്യാറാക്കിയ പ്രത്യേക പോളിംഗ് ബൂത്തിലാണ് തിരഞ്ഞെടുപ്പ് നടക്കുക. എന്ഡിഎ സ്ഥാനാര്ഥി എം വെങ്കയ്യ നായിഡു ജയം ഉറപ്പിച്ചു കഴിഞ്ഞു. മഹാത്മാഗാന്ധിയുടെ കൊച്ചുമകന് ഗോപാല് കൃഷ്ണ ഗാന്ധിയാണ് പ്രതിപക്ഷ സ്ഥാനാര്ഥി. വൈകുന്നേരം ഏഴു മണിയോടെയാകും ഫലപ്രഖ്യാപനവുമുണ്ടാകുക.
