വഡോദരയില്‍ വ്യവസായ പാര്‍ക്ക് സ്ഥാപിക്കുന്നതിനുള്ള കരാറാണ് മൂന്നാമത്തേത്. ഇരു രാജ്യങ്ങളും തമ്മിലുള്ള നിക്ഷേപവും വാണിജ്യവും വര്‍ദ്ധിപ്പിക്കുന്നതിന്റെ ഭാഗമായാണ് കരാറുകള്‍ യാഥാര്‍ഥ്യമായത്. ഇത് കൂടാതെ ഇന്ത്യയിലേക്ക് അഞ്ചുലക്ഷം കോടി രൂപയുടെ നിക്ഷേപം നടത്താന്‍ ചൈന സന്നദ്ധമാണെന്ന് സീ ജിന്പിംഗ് നേരത്തേ പ്രസ്താവിച്ചിരുന്നു.
ചൈനീസ് വിദേശകാര്യമന്ത്രി ഉള്‍പ്പടെ എട്ട് കാബിനറ്റ് മന്ത്രിമാരും 130 വ്യവസായികളും വ്യാപാരികളുമടങ്ങുന്ന സംഘത്തോടൊപ്പമാണ് സീ ജിന്പിംഗ് ഇന്ത്യയിലെത്തിയത്. മൂന്നു ദിവസത്തെ സന്ദര്‍ശനമാണ് ചൈനീസ് പ്രസിഡന്റിന്റേത്. ഇരു രാജ്യങ്ങളും തമ്മിലുള്ള വ്യാപാര നിക്ഷേപ ബന്ധം മെച്ചപ്പെടുത്തുക എന്നതാണ്‌ സന്ദര്‍ശനത്തിന്റെ മുഖ്യ ലക്‍ഷ്യം. വ്യാഴാഴ്‌ച ഹൈദരാബാദ്‌ ഹൗസില്‍ ഇന്ത്യ-ചൈന ഉഭയകക്ഷി ചര്‍ച്ചകള്‍ നടക്കും.
