കഴിഞ്ഞദിവസം ആം ആദ്മി പാര്‍ട്ടിയുടെ സമരത്തിനിടെ കര്‍ഷകന്‍ ആത്മഹത്യ ചെയ്ത സംഭവത്തില്‍ ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്‌രിവാള്‍ മാപ്പു പറഞ്ഞു. വാര്‍ത്ത ഏജന്‍സിയായ ആനിക്ക് നല്കിയ അഭിമുഖത്തിലാണ് കെജ്‌രിവാള്‍ മാപ്പു പറഞ്ഞത്. കര്‍ഷകന്റെ ആത്മഹത്യയ്ക്ക് ശേഷം ഇത് ആദ്യമായാണ് കെജ്‌രിവാള്‍ പ്രതികരിച്ചത്.
അതേസമയം, സംഭവത്തില്‍ ജുഡീഷ്യല്‍ അന്വേഷണം പ്രഖ്യാപിക്കണമെന്ന് ഡല്‍ഹി കോണ്‍ഗ്രസ് കമ്മിറ്റി അധ്യക്ഷന്‍ അജയ് മാക്കന്‍ ആവശ്യപ്പെട്ടു. കര്‍ഷകന്‍ ആത്മഹത്യ ചെയ്തിട്ടും ഡല്‍ഹി മുഖ്യമന്ത്രിയും ആം ആദ്മി നേതാവുമായ കെജ്‌രിവാള്‍ പ്രസംഗം തുടര്‍ന്നത് നിര്‍ദ്ദയമായ നടപടിയായെന്നും അജയ് മാക്കന്‍ കുറ്റപ്പെടുത്തി.
