ഉത്തര്‍പ്രദേശില്‍ ട്രക്ക്‌ നദിയിലേക്ക് മറിഞ്ഞ്‌ 17 പേര്‍ മരണപ്പെട്ടു?

PRO PRO

ഉത്തര്‍പ്രദേശില്‍ ട്രക്ക്‌ നദിയിലേക്ക് മറിഞ്ഞ്‌ 17 പേര്‍ മരണപ്പെട്ടുവെന്ന് റിപ്പോര്‍ട്ട്. ബഹറൈച്ചില്‍ നിന്ന്‌ ലക്നൗവിലേക്കു വരികയായിരുന്ന ട്രക്ക്‌ ആണ്‌ നദിയിലേക്ക് മറിഞ്ഞത്.

ട്രക്കില്‍ 20 പേര്‍ ഉണ്ടായിരുന്നുവെന്നും മൂന്നു പേര്‍ നീന്തി രക്ഷപെട്ടെന്നുമാണ് അധികൃതര്‍ നല്‍കുന്ന വിവരം. ട്രക്ക്‌ ബാരബാങ്കി-ബഹറൈച്ച്‌ റോഡിലുള്ള സഞ്ജയ്‌ പാലത്തിന്റെ കൈവരികള്‍ തകര്‍ത്ത്‌ ഘഗ്ര നദിയിലേക്കു വീണതെന്നാണ് കരുതുന്നത്.

ട്രക്ക്‌ നദിയിലേക്കു മറിഞ്ഞ്‌ 17 പേര്‍ കൊല്ലപ്പെട്ടതായി വിവരം നല്‍കിയത് സ്ഥലം എസ്പി ആനന്ദ്‌ കുല്‍ക്കര്‍ണിയാണ്.