ഇത് തമാശയോ ട്രോളോ അല്ല, ഇന്‍ഡോറിലെ തെരുവുകളില്‍ കാണുന്ന കാഴ്ചയാണ്. ക്രമാതീതമായി ഉയര്‍ന്നു വരുന്ന തക്കാളിയുടെ വിലയാണ് ഈ പ്രതിസന്ധിക്ക് കാരണം. പൊന്നുംവിലയുള്ള ഉള്ളിയായിരുന്നു കഴിഞ്ഞ തവണത്തെ ‘വിഐപി’ എങ്കില്‍ ഇത്തവണ അത് തക്കാളി ആണ്.
വില കൂടിയതോടെ കടകളില്‍ നിന്നും തക്കാളികള്‍ മോഷ്ടിക്കാന്‍ തക്കം പാര്‍ത്തിരിക്കുന്നവര്‍ നിരവധിയുണ്ടെന്ന് റിപ്പോര്‍ട്ടുകള്‍ വന്നതിന്റെ അടിസ്ഥാനത്തിലാണ് തക്കാളിക്ക് സുരക്ഷ നല്‍കിയത്. അതേസമയം മധ്യപ്രദേശില്‍ അനേകം കര്‍ഷകര്‍ ടണ്‍കണക്കിന് തക്കാളിയാണ് റോഡുകളില്‍ തള്ളിയത്. ഉല്‍പ്പാദനം വര്‍ധിച്ചതിനെ തുടര്‍ന്ന് കിലോയ്ക്ക് ഒരു രൂപ എന്ന തരത്തില്‍ തക്കാളിക്ക് വില കുറഞ്ഞതാണ് ഇതിന് കാരണം.
