രൺവീറിനേക്കാൾ ഒരു പൈസ കൂടുതലോ,കുറവോ അല്ലാത്ത പ്രതിഫലം വേണമെന്ന് ദീപിക ആവശ്യപ്പെട്ടതായാണ് വിവരം. എന്നാൽ നിർമാതാക്കൾ ഈ ആവശ്യം അംഗീകരിക്കാത്തതിനെ തുടർന്നാണ് ദീപികയെ ചിത്രത്തിൽ നിന്നൊഴിവാക്കിയത്. ദീപിക-രൺവീർ താരജോഡിയെ വെച്ച് ബൻസാലി ഒരുക്കുന്ന നാലാമത്തെ ചിത്രമായിരുന്നു ബൈജു ബാവ്‌ര.
നേരത്തെ പത്മാവതി,ബാജി റാവു മസ്‌താനി,രാം ലീല എന്നീ ചിത്രങ്ങളിൽ താരജോഡികൾ ഒപ്പമെത്തിയിരുന്നു. 1952 ൽ പുറത്തിറങ്ങിയ ബൈജു ബാവ്‌രയുടെ റീമേയ്ക്കാണ് സിനിമ. ഭരത് ഭൂഷണും മീന കുമാരിയുമായിരുന്നു ചിത്രത്തിലെ താരങ്ങൾ. അതേസമയം ഷാറുഖ് ഖാൻ സിനിമയായ പത്താൻ, ഹൃത്വിക് ചിത്രമായ ഫൈറ്റർ, രൺവീറിന്റെ 83 എന്നിവയാണ് ദീപികയുടെ പുറത്തിറങ്ങാനിരിക്കുന്ന ചിത്രങ്ങൾ.
